Son yeniləmə: 27 May 2021 11:31
Bayraqdar.info – M.F.Axundzadə ad. Azərbaycan Milli Kitabxanasının əməkdaşları tərəfindən “28 May – Respublika Günü” adlı virtual sərgi hazırlanıb.
Kitabxanadan bildirilib ki, virtual sərgidə fotolar, mövzu ilə əlaqəli kitab və məqalələr nümayiş olunur.
Xəbər mayın 27-də Milli Kitabxanadan verilib.
Qeyd olunur ki, 28 May – Respublika Günü Azərbaycan xalqının həyatına böyük və əlamətdar hadisə kimi daxil olub.
Cəmi 23 ay fəaliyyət göstərən Azərbaycan Xalq Cümhuriyyəti dövründə dövlətçilik ənənələri hazırlanıb. Qadınlara seçki hüququnun verilməsi, türkcənin dövlət dili elan edilməsi, təhsil və mədəniyyətin inkişafı, nizami milli ordunun yaradılması və s. işlər məhz həmin dövrdə görülüb.
