Bayraqdar.info – İqtisadiyyat naziri Mikayıl Cabbarov sosial media hesabında xəbər verir ki, cari ilin ilk dörd ayında dövlət büdcəsinə vergi daxilolmaları üzrə proqnoz 131,7 faiz yerinə yetirilib.
Nazir qeyd edir ki, bu dövr ərzində büdcəyə nəzərdə tutulandan 780,7 milyon manat artıq vəsait daxil olub. Bu vəsaitin 451 milyon manatı qeyri-neft sektorunun payına düşür.
M.Cabbarov onu da bildirib ki, vergi daxilolmaları ötən ilin uyğun dövrüylə müqayisədə 266,9 milyon manat artıqdır.
Nazir “iqtisadi islahatlar və özəl sektorun inkişafı öz bəhrəsini verir”, – deyə əlavə edib.
#Vergi daxilolmaları əvvəlki ilin eyni dövrü ilə müqayisədə 266,9 mln. manat artıqdır. #İqtisadiislahatlar və #özəlsektorun inkişafı öz bəhrələrini verir.#İqtisadiyyat #EconomyAz
— Mikayil Jabbarov (@MikayilJabbarov) May 27, 2021
