Bayraqdar.info – Mayın 26-da saat 15:00-da “Tibb işçilərinin sertifikasiyası” mövzusunda canlı yayım keçiriləcək. Yayım Səhiyyə Nazirliyinin rəsmi instagram hesabında baş tutacaq.
Xəbər bayraqdar.info-ya Səhiyyə Nazirliynin Mətbuat Xidmətindən verilib.
Xəbərdə bildirilir ki, canlı yayımda son günlər bir sıra tibb işçilərinin narazılığına səbəb olan sertifikasiya imtahanları haqqında suallara aydınlıq gətiriləcək. Həmçinin, bu imtahanların dünya ölkələrindəki tətbiqi məsələsindən də danışılacaq.
İmtahanın mərhələləri və uğursuz nəticələr haqqında sualları Səhiyyə Nazirliyi Sertifikasiya Mərkəzinin rəhbəri Murad Mirzəzadə cavablandıracaq.
Qeyd edilib ki, canlı yayımın moderatoru Səhiyyə Nazirliyinin nümayəndəsi Günay Quluzadədir.
