Bayraqdar.info – Azərbaycan Dövlət Rəsm Qalereyasının təşkilatçılığı ilə mayın 25-də saat 20:00-da “Art Management” vebinarları işinə başlayacaq.
Xəbər Mədəniyyət Nazirliyindən verilib.
Xəbərdə deyilir ki, layihə rəssamların yaradıcılıq potensialından səmərəli istifadə etmək üçün keçirlir. Bu layihədə onlar “art management” (sənət idarəçiliyi) üzrə hazırlıq səviyyəsini yüksəltmək, mövcud çatışmazlıqları aradan qaldırmağın üsullarını öyrənəcəklər.
“Qeyd etmək lazımdır ki, yaradıcılıq sənayesi (“Creative industry”) bütün dünyada inkişaf edir, yeni özünürealizə və məhsul təqdim etmə imkanları yaradır.
“Bu baxımdan ölkəmizdə əksər rəssamların “art management”in müasir satış bazarında rolundan istifadə etmələri labüd sayılır. “Art Management” vebinarlarının mühazirəçi qismində sahə üzrə mütəxəssislər və təcrübəli şəxslərin iştirakı ilə keçirilməsi nəzərdə tutulur. Treninqlər “Zoom” tətbiqi vasitəsilə keçiriləcək”, – deyə xəbrdə diqqətə çatdırılır.
Xəbərdə deyilir ki, silsilə təlimlərə qoşulmaq istəyənlər Azərbaycan Dövlət Rəsm Qalereyasının rəsmi saytı, Facebook və Instagram sosial media hesablarını izləyə bilərlər.
