Son yeniləmə: 21 May 2021 15:29
Bayraqdar.info – Bakıda Formula 1 Bakı Şəhər Halqası 4-6 iyun tarixlərində keçiriləcək. Paytaxt Formula 1-in beşinci səfəri üçün hazırlıqların sonuncu mərhələsindədir.
Bu barədə Bakı Şəhər Halqasının Media Mərkəzindən xəbər verilib.
Xəbərdə bildirilir ki, motor idmanı işıqlarının asfalt cəngavərlərinin evində göz qamaşdırmasına lap az qalıb.
Bu ilki Formula 1 Azərbaycan Qran Prisi qapalı qapılar arxasında keçiriləcək. Pandemiya səbəbindən azarkeşlərin saglamlığını qorumaq baxımından bu qərar verilib.
“20 döngəli, 6 km uzunluğundakı şəhər halqası dünyanın ən böyük sürücülərini iyunun ilk günlərində Bakıda qarşılamağa hazır olacaq. Yarışlar həftəsonu keçiriləcək”, – deyə xəbərdə qeyd edilir.
