Bayraqdar.info – Azərbaycan Televiziyası türk dövlətlərinə aid ortaq layihəyə başlayıb.
Az.TV-nin Sosial media və ictimaiyyətlə əlaqələr şöbəsinin xəbərinə görə, layihə “Türk dünyası” adlanır.
Xəbərdə deyilir ki, həftədə bir dəfə yayımlanacaq verilişdə türk xalqlarından birinin mədəniyyəti, tarixi, adət-ənənəsi barədə məlumatlar təqdim ediləcək.
Materiallar hər bir xalqın öz dilində olacaq. Lakin tamaşaçının daha rahat anlaya bilməsi üçün azərbaycan dilində alt yazı əlavə olunacaq.
Layihənin təşəbbüskarı Az.TV olsa da verilişin bütün türk ölkələrinin TV kanallarında yayımlanması planlaşdırılır.
O da qeyd edilib ki, ilk buraxılışın gələn həftə yayımlanması nəzərdə tutulub.
Bu məsələ Türk Keneşi üzv-dövlətlərinin Zirvə Görüşündə dövlət başçıları tərəfindən qaldırılıb.
