Bayraqdar.info – Dövlət İmtahan Mərkəzinin ETS Global təşkilatı ilə əməkdaşlıq çərçivəsində “TOEFL iBT® & Home Edition” imtahanları ilə tanışlıq vebinarına qeydiyyat başlayır.
Bu barədə DİM-dən xəbər verilib.
Xəbərdə bildirilir ki, mayın 24-də saat 15:00-da Zoom platformasında ingilis dilində vebinar keçiriləcək. İştirak etmək istəyənlər 23 may tarixinədək qeydiyyatdan keçə bilər.
TOEFL iBT® ingilis dili səviyyəsini qiymətləndirən beynəlxalq imtahandır. Bu imtahan namizədin ingilis dilini akademik səviyyədə necə anladığını və ünsiyyətdə olma bacarıqlarını qiymətləndirir.
TOEFL iBT® imtahanının nəticəsi ABŞ və digər ingilisdilli ölkələrdəki universitetlərə qəbul olmaq üçün əsas tələblərdən biridir. Bununla bərabər, dövlət qurumları, biznes və ya təqaüd proqramları da bu imtahanı tələb edə bilər.
Vebinarın natiqi ETS Global təşkilatının nümayəndəsi Yasemin Arşın TOEFL iBT® imtahanı barədə ətraflı məlumat verəcək. O, eyni zamanda iştirakçıların suallarını cavablandıracaq.
