Son yeniləmə: 19 May 2021 18:55
Bayraqdar.info – Sumqayıt Şəhər Gənclər və İdman Baş İdarəsinin və “Əlilliyi olan Şəxslərin Sosial Müdafiəsinə və İnteqrasiyasına Dəstək” İctimai Birliyinin birgə təşkilatçılığı ilə mayın 19-da əlil gənclər arasında yarış təşkil edilib.
Bu barədə xəbəri Gənclər və İdman Nazirliyi yayıb.
Xəbərdə deyilir ki, Sumqayıtın Heydər Parkı ərazisində keçirilən yarışda gənclərin rəsm, əl işlərindən ibarət sərgi və dama oyunu təşkil edilib.
Sərgi “28 may – Respublika Günü”nə həsr edilib. “Vətənpərvərlik”, “44 günlük müharibə”, “Milli-mənəvi dəyərlərimiz” mövzularında rəssamlıq, ağac üzərində oyma, xalçaçılıq, toxuma, bədii tikmə əl işlərindən ibarət 28 əsər nümayiş olunub.
Xəbərdə bildirilir ki, sonda sərgi və dama yarışı iştirakçılarına və qaliblərə Baş İdarənin fəxri fərman və hədiyyələri təqdim edilib.
