Son yeniləmə: 19 May 2021 10:19
Bayraqdar.info – “AVRO-2020” könüllülərinin Bakı Olimpiya Stadionunda təlimlərinə başlanılıb.
AFFA xəbər verir ki, hər gün müxtəlif sahələrdə fəaliyyət göstərəcək könüllülər üçün ümumi təlimlər təşkil olunur. Gün ərzində 4 qrup üzrə (hər birində 45 nəfər olmaqla) ümumilikdə 230 könüllü təlimlərdə iştirak edir. Ümumi təlimlərdən sonra rol təlimləri təşkil olunacaq.
Bundan əvvəl – 2018-ci ildə Rusiyada keçirilmiş futbol üzrə dünya çempionatının könüllülər üzrə koordinatoru və beynəlxalq təlimçi Liza Usmanova “AVRO-2020” könüllüləri üçün onlayn təlimlər keçib.
AFFA qeyd edir ki, 10 gün ərzində hər gün 2 dəfə olmaqla 100 nəfərlik qruplarda təlimlər davam etdirilir.
Bayraqdar.info-nun digər xəbərinə görə, “AVRO-2020” Kubokunun Bakı Turu da bu dəfə könüllülərlə birlikdə davam edir.
