Bayraqdar.info – “ASAN Könüllüləri” Təşkilatının təşkilatçılığı, Bakı Dövlət Universitetinin tərəfdaşlığı ilə Gənclər Simpoziumu keçirilib. Bakı Dövlət Universitetində keçirilən tədbir ulu öndər Heydər Əliyevin anadan olmasının 98-ci ildönümünə həsr edilib.
Bu barədə bayraqdar.info-ya Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinindən məlumat verilib.
Tədbirdə Agentliyin sədri Ülvi Mehdiyev, BDU-nun rektoru Elçin Babayev, Gənclər Fondunun icraçı direktoru Fərid Cəfərov, “ASAN Könüllüləri” Təşkilatının sədri Emiliya Bayramova iştirak edib: “Tədbirin əsas məqsədi dövlətçiliyin daha geniş təbliğ olunması, gənclərin davamlı inkişafının təmin edilməsi, ümummilli liderin həyatı və fəaliyyəti haqqında gənclərin araşdırmalara sövq edilməsidir”.
Əsas hissədə layihənin seçilmiş 10 iştirakçısı öz məqaləsini təqdim edib.
Bədii hissədə isə ASAN könüllüsü Murad Hüseynlinin musiqi ifası səslənib.
Sonda iştirakçılar arasında “Ən yaxşı natiq”, “Ən yaxşı məqalə” nominasiyaları üzrə təltifetmə həyata keçirilib.
