Son yeniləmə: 17 May 2021 18:08
Bayraqdar.info – Təhsildə Keyfiyyət Təminatı Agentliyi bəzi peşələrdə təhsil almağa çıxış imkanları məhdud olan vətəndaşlar üçün yeni imkanlar tətbiq edib. Bu peşələr: mobil telefonların təmiri ustası, qənnadıçı-şirniyyatçı, bərbər və plastik boru qaynaqçısı ixtisaslarıdır.
Məlumat mayın 17-də Təhsil Nazirliyindən verilib.
“Sözügedən ixtisaslar üzrə müxtəlif kurs, dərnəklərdə təlim keçmiş və ya usta yanında, özünütəhsil yolu ilə biliklərə yiyələnmiş adıçəkilən peşələrin ustaları keçirilən imtahanlarda iştirak edə bilərlər”, – deyə nazirlikdən bildirilib.
Bayraqdar.info bildirir ki, Nazirliyin məlumatında ərizəçilərin tələb olunan sənədləri və imtahan barədə ətraflı məlumatı qurumdan əldə edə biləcəyi deyilir. İmtahanlarda iştirak üçün artıq qeydiyyatdan keçmək də mümkündür. O da qeyd edilib ki, imtahanda iştirak edənlərə diplom təqdim ediləcək.
