Son yeniləmə: 16 May 2021 11:09
Bayraqdar.info – Mayın 15-də Dövlət İmtahan Mərkəzində (DİM) növbəti TOEFL iBT imtahanı keçirilib.
“İmtahan iki növbədə mərkəzin binasında müvafiq sanitar-gigiyenik qaydalara uyğun təşkil olunub. Koronavirus səbəbindən imtahan binasına daxil olan iştirakçıların hərarəti məsafədən yoxlanılıb, dezinfeksiya edici vasitələrdən istifadə olunub və imtahan otağında iştirakçıların bir-birindən lazımi məsafədə əyləşdirilməsi təmin edilib.
“Günün birinci yarısında keçirilən imtahanda 8, ikinci yarısında keçirilən imtahanda isə 12 nəfər iştirak edib. İştirakçılar imtahan nəticələrini ETS-in saytında yaradılmış şəxsi hesab vasitəsilə imtahandan 6 gün sonra onlayn şəkildə öyrənə bilərlər”, – deyə DİM-dən bildirilib.
Mərkəzdən o da qeyd edilib ki, növbəti TOEFL iBT imtahanı mayın 22-də keçiriləcək. Qeydiyyatdan keçmək qaydaları haqqında ətraflı məlumatı DİM-in saytında verilmiş linkdən əldə etmək mümkündür.
