Son yeniləmə: 16 May 2021 11:53
Bayraqrdar.info – 2021-2022-ci tədris ili üzrə ümumi təhsil müəssisələrinin birinci siniflərinə şagird qəbulu davam edir. Birinci sinfə şagird qəbulu üzrə elektron portal mayın 16-sı saat 09:00-dan etibarən yenidən akivləşdirilib.
Bu barədə Təhsil Nazirliyi xəbər yayıb.
Xəbərdə qeyd edilir ki, portal bayram günlərində fəaliyyətini müvəqqəti olaraq dayandırmışdı.
“Aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna başlanılıb. Təhsil Nazirliyi bu məsələ ilə bağlı vətəndaşlara dəstək məqsədilə və müraciətlərin operativ cavablandırılması üçün yeni xidmətlər təqdim edib.
“Nazirliyin rəsmi internet saytının “Sual-cavab” bölməsinə “Virtual bələdçi” xidməti əlavə edilib və birinci sinfə şagird qəbulu ilə bağlı votsap hesabı yaradılıb. Həmçinin, Təhsil Nazirliyinin çağrı mərkəzinin yeni 146-0 nömrəsi aktivləşdirilib. Vətəndaşlar qeyd edilən xidmətlər vasitəsilə birinci sinfə şagird qəbulu prosesinin həyata keçirilməsinə dair suallara cavab tapa bilərlər”, – deyə Nazirliyin yaydığı xəbərdə bildirilir.
