Bayraqdar.info – 1-ci sinfə şagird qəbulu üzrə elektron portal bayram günlərində fəaliyyətini müvəqqəti dayandıracaq.
Bu barədə mayın 8-də Təhsil Nazirliyi xəbər yayıb.
Xəbərdə deyilir ki, portal 8 may saat 18:00-dan 16 may saat 09:00-dək aktiv olmayacaq.
“Qeyd edək ki, aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna başlanılıb”, – deyə nazirlik xatırladır.
Onu da əlavə edək ki, 1-ci sinfə qəbulun dayandırılması ölkədə uzun müddətli tətillə bağlıdır. Nazirlər Kabinetinin qərarına əsasən mayın 9-15-i aralığında öncə 9 May Faşizm Üzərində Qələbə Günü, ardından da Ramazan bayramı olduğu üçün ölkədə ardıcıl 7 gün iş olmayacaq.
