Son yeniləmə: 6 May 2021 12:05
Bayraqdar.info – Mayın 6-dan etibarən 1-ci divizionun 25-ci turunun oyunları başlayır.
Peşəkar Futbol Liqasının paylaşdığı oyun cədvəlində turun başlama vaxtı və məkanı göstərilib.
Cədvələ əsasən, məlum olur ki, “Qarabağ-2” və “Keşlə-2” komandaları mayın 6-da saat 14:00-da ASCO Arenanın futbol meydanında qarşılaşacaqlar.
Növbəti qarşılaşma yenə də 6 may saat 16:00-da “Sabah-2” və “Turan Tovuz” komandaları arasında Bank Respublikanın ehtiyat meydanında baş tutacaq.
Cədvəldə daha sonra “Neftçi-2”–“Kəpəz” komandalarının Türk Hava Yollarının meydançasında yenə də mayın 6-da saat 17:00-da görüşəcəkləri qeyd eidlir.
Mayın 7-də qarşılaşacaq komandalar isə bunlardır:
“MOİK”–“Sumqayıt-2” Binə qəsəbə stadionunda saat 16:00-da yarışacaqlar.
PFL-in cədvəlinə əsasən növbəti qarşılaşma da mayın 7-də “Zaqatala”-“Qarabağ L” komandaları arasında olacaq. Bu qarşılaşma saat 16:00-da Zaqatala Olimpiya Komlpeksinin stadionunda baş tutacaq.
