Bayraqdar.info – Mayın 2-də Sənaye və İnnovasiyalar üzrə Bakı Dövlət Peşə Təhsili Mərkəzində peşə təhsili müəssisələrinə direktor müavinlərinin işə qəbulu müsabiqəsi üzrə imtahan keçirilib.
İki seansdan ibarət olan mərhələdə 155 namizəd 90 dəqiqə ərzində təhsil, peşə və əmək qanunvericiliyi, həmçinin idarəetmə və məntiq üzrə 60 sualı cavablandırıb. Namizədlər imtahan sonunda nəticələrlə tanış olmaq imkanı da əldə ediblər.
Məlumatı mayın 3-də Təhsil Nazirliyindən veriblər.
Bildirilir ki, nəticələrin cari həftənin sonunadək elan edilməsi nəzərdə tutulur.
Nəticələr həm müraciətçilərin şəxsi kabinetlərində yer alacaq, həm də SMS bildiriş vasitəsilə qeydiyyat nömrələrinə göndəriləcək.
Həmçinin, o da qeyd edilib ki, II mərhələyə 76 nəfər kişi, 79 nəfər qadın iştirakçı qatılıb.
