Bayraqdar.info – Aprelin 27-də H.Əliyev adına Ali Hərbi Məktəbin kursantları Hərbi Qənimətlər Parkında olublar.
Müdafiə Nazirliyindən verilən məlumata görə, Azərbaycan Ordusunda şəxsi heyətə vətənpərvərlik hisslərinin aşılanması, gənclərdə hərbi vətənpərvərliyin tərbiyə edilməsi məqsədilə Heydər Əliyev adına Azərbaycan Ali Hərbi Məktəbinin kursantlarının Hərbi Qənimətlər Parkına ziyarəti təşkil olunub.
“Kursantlar 44 günlük Vətən müharibəsində düşməndən qənimət götürülən hərbi texnika və sursatlarla tanış olub. Sonda azad olunan ərazilərdən qənimət götürülən, üzərində “Qarabağ Azərbaycandır!” yazısı yazılmış 2 mindən çox avtomobilin nömrə nişanlarından ibarət lövhə önündə xatirə fotosu çəkdirilib”, – deyə xəbər verilir.
