Bayraqdar.info – Aprelin 23-də İstanbulda keçirilən Türkiyə, Əfqanıstan və Pakistan Xarici İşlər nazirlərinin üçlü görüşünə Əfqanıstanlı nazir fiziki olaraq qatıla bilməyib. O, İstanbula gəlsə də son anda bəlli olub ki, bu görüşdə iştirak edə bilməyəcək.
Bununla bağlı bilgi paylaşan Əfqanıstan Xarici İşlər naziri Mohammed Haneef Atmar bildirib ki, görüşə fiziki olaraq qatıla bilməməsinə səbəb COVID-19 xəstəliyinə yaxalanmasıdır.
“Təəssüf ki, mənim COVID-19 testim müsbət oldu və üçtərəfli görüşə virtual qatılmalı oldum. Mevlüt Çavuşoğlu və ev sahiblərimə bütün gərəkli tibbi yardıma, həmçinin bizim gözlənən üçtərəfli görüşümüzü uğurla keçirə bilməyimizi təmin etdiklərinə görə son dərəcə minnətdaram”, – deyə Əfqanıstanlı nazir sosial media hesabında yazıb.
2/2 Regretfully I tested positive for Covid-19 & had to attend the T/L Meeting virtually. Immensely grateful to H.E @MevlutCavusoglu & my hosts for providing all the medical treatment & care while also ensuring successful convening of our much anticipated trilateral meeting. pic.twitter.com/q3t1brN13y
— Mohammed Haneef Atmar محمد حنیف اتمر (@MHaneefAtmar) April 23, 2021
M.H.Atmar bu duruma baxmayaraq qaldığı otel otağından virtual olaraq üçtərəfli görüşə qatılıb, müzakirələrdə iştirak edib. O, görüşdən sonra keçirilən mətbuat konfransına da virtual qatılaraq fikirlərini paylaşıb.
