Son yeniləmə: 23 Aprel 2021 20:09
Bayraqdar.info – Aprelin 23-də Prezident İlham Əliyevin imzaladığı Sərəncamla Teymur Yusif oğlu Musayev Azərbaycan Səhiyyə nazirinin birinci müavini təyin edilib və dövlət başçısının digər Sərəncamı ilə Səhiyyə nazirinin vəzifələrini müvəqqəti icra etmək səlahiyyəti də ona tapşırılıb.
Bəs Teymur Musayev kimdir. Bayraqdar.info açıq mənbələrdən əldə etdiyi şəkil və bilgiləri təqdim edir:
T.Musayev 1987-94-cü illərdə Azərbaycan Tibb Universitetində təhsil alıb.
N.Tusi adına Klinikada direktor, Qəbələdə yerləşən Chenot Palace Health Wellness Hotelində tibbi direktor vəzifəsində çalışıb.
Eyni zamanda, İtaliyada Medwellness&SPA mərkəzində baş beynəlxalq məsləhətçi kimi fəaliyyət göstərib.
O, 2003-2004-cü illərdə Strasburq Universitetində Laparoskopik cərrahiyyə ixtisası üzrə biliyini artırıb.
2013-15-ci illərdə isə RISEBA və Riga Stradins Universitetində təhsilini magistr səviyyəsində davam etdirib.
T.Musayev bu təyinatadək Səhiyyə Nazirliyində Səhiyyənin təşkili şöbəsinin müdiri vəzifəsində çalışıb.
