Bayraqdar.info – Gagauziya Başqanı İrina Vlah TİKA-nın Moldovadakı koordinatoru Selda Özdenoğluyla görüşüb. Bu haqda xəbəri Gagauziya Başqanının ofisindən veriblər.
Görüşdə Türkiyənin dəstəyi ilə tikilməsi nəzərdə tutulan Sənaye Kolleci haqqında söhbət gedib.
Gagauziya Başqanı bildirib ki, Nazirlər Komitəsi kollecin tikiləcəyi yerdə hazırlıq işlərini başa çatdırıb. Ərazidən keçən elektrik xətlərinin istiqaməti də dəyişdirilib.
İ.Vlah tikiləcək kollecin Gagauziya üçün önəmindən danışıb. O, bildirib ki, gələcək sənayeləşmə üçün kadr hazırlığı baxımından bu kollec çox gərəklidir.
Tərəflər Gagauziyaya COVID19-dan qorunmaq üçün əlavə vasitələrlə dəstəklə bağlı müzakirə də aparıb.
Sonda Başqan, S.Özdenoğlunu Gagauziyaya gələrək Türkiyənin dəstəklədiyi layihələri yerində gözdən keçirməyə dəvət edib.
