Bayraqdar.info – Azərbaycan Respublikası Mədəniyyət Nazirliyi və “Bravo” marketlər şəbəkəsinin dəstəyi, Azərbaycan Dövlət Rəsm Qalereyasının təşkilatçılığı ilə 2021-ci il 23-29 may tarixlərində “AXIN” rəssamlara dəstək yarmarkası təşkil olunacaq. Bu barədə Dövlət Rəsm Qalereyasından məlumat verilib.
“Satış festival-yarmarkasının rəssamlara dəstək məqsədilə Koroğlu metrosu yaxınlığında yerləşən “Bravo” hipermarketində keçirilməsi nəzərdə tutulur. Yarmarkada Azərbaycan Dövlət Rəsm Qalereyasının “AXIN” qrupunun rəssamlarının kiçik ölçülü rəngkarlıq, heykəltəraşlıq və s. nümunələrinin satışı ilə yanaşı, müxtəlif əyləncəli və öyrədici təsviri sənət mövzulu aksiyalar da (canlı naturadan karikatura və portret çəkilişi, ebru sənəti üzrə ustad dərslər, müxtəlif təlimlər və.s) keçiriləcək. Yarmarkada iştirak etmək istəyən rəssamlar əsərlərini e-poçtla ( resmsergi@gmail.com) göndərə bilər. Əsərlərin qəbulu mayın 20-də bitir”, – deyə açıqlamada qeyd edilir.
