Bayraqdar.info – İran televiziyasında efirə gedən Həmədanın Nigar Xatun kəndi ilə bağlı “Mənim İranım” adlı təbliğat çarxı əhalinin narazılığına səbəb olub.
Nigar Xatun sakinləri bildirirlər ki, bura türk kəndi olduğu halda təbliğat çarxında qədim və qəliz fars dilində danışılır. Bu da onların türk kimliyini təhrif etməyə göstərilən cəhddir.
Əhali bildirir ki, əgər bu təbliğat çarxı ümumİranla bağlıdırsa normal rəsmi dildə danışılsın.
Yox əgər bölgə ilə bağlıdırsa niyə türkcənin yerinə farscanın qədim və anlaşılmaz bir ləhcəsində danışılır?
Kənd sakinləri bunun məqsədli şəkildə bölgə əhalisinin türk kimliyinin təhrif olunması istiqamətində atılan addım olduğunu bildirirlər.
Təəccüblü olsa da, bu məsələ yerli mətbuat orqanları ilə yanaşı “Fars” xəbər agentliyi tərəfindən də işıqlandırılıb.
Qeyd edək ki, son statistikaya görə 2050 nəfər sakini olan kənddə yaşayanların hamısı işləyir.
70 sexi olan kənd eyni halda əkinçilik, heyvandarlıq, bağçılıq, arıçılıq və bir sıra başqa əl işləri sənayesi ilədə tanınır.
Yuxarıda qeyd olunanlara, iqtisadi sisteminə və kənddə mövcud olan suvarma sisteminə görə, bura “Kiçik Yaponiya” adı verilib.
C.E
Qaynaq: GünAz.TV
