Bayraqdar.info – Ankara Böyükşəhər Bələdiyyəsinin (ABB) başqanı Mansur Yavaş Çinin Türkiyədəki səfirliyinin yerləşdiyi Ferit Recai Ertuğrul küçəsinin adının dəyişdirilərək Türksoy adlandırılmasına qərar verib. Qərar layihəsi aprelin 13-də Bələdiyyə Məclisinə təqdim olunub.
Qərar layihəsində “Çankaya rayonu Oran qəsəbəsi sərhədləri içərisində yerləşən Ferit Recai Ertuğrul küçəsinin tamamının və ya TÜRKSOY-un binasının olduğu hissəsinin Türksoy küçəsi adlandırılması” məqsədəuyğun hesab edilir.
Əslində bu qərarı “Yavaşdan Çin səfirliyinə möhkəm sillə” kimi dəyərləndirmək olar. Belə ki, İYİ Partiya başqanı, millət vəkili Meral Akşenerin və ABB başqanı Mansur Yavaşın aprelin 5-də Kaşqar vilayətinin Barın qəsəbəsində törədilən qətliamın 31-ci ildönümü ilə bağlı paylaşım etməsi Ankaradakı Çin səfirliyi tərəfindən “özünəməxsus” şəkildə cavablandırılmışdı. Çin Xalq Respublikasının Ankaradakı səfirliyinin Twitter hesabından edilən, Meral Akşener və Mansur Yavaşın Twitter hesablarının da etiketləndiyi paylaşımda bu sözlər yazılmışdı: “Çin tərəfi, hər hansı bir şəxs və ya gücün, Çinin suverenliyinə və ərazi bütövlüyünə hansısa bir şəkildə meydan oxumasına kəskin şəkildə qarşı çıxmaqda və bunu şiddətlə qınamaqdadır. Çin tərəfi, haqlı cavab vermək haqqını özündə saxlayır”.
Çin tarafı, herhangi bir kişi veya gücün Çin’in egemenliğine ve toprak bütünlüğüne herhangi bir şekilde meydan okumasına kararlılıkla karşı çıkmakta ve bunu şiddetle kınamaktadır. Çin tarafı, haklı karşılık verme hakkını saklı tutmaktadır.@meral_aksener @mansuryavas06
— Çin Büyükelçiliği Ankara/中国驻土耳其使馆 (@ChinaEmbTurkiye) April 6, 2021
Bu paylaşımından sonra aprelin 6-da Türkiyə Xarici İşlər Nazirliyinə çağırılan səfir Liu Şaobinə səfirliyin Twitter hesabından edilən paylaşımlardaki ifadələrlə bağlı duyulan narazılıq çatdırılmışdı.
Eyni zamanda, Ankara Böyükşəhər Bələdiyyəsinə (ABB) bağlı olan Ankara Su və Kanalizasiya İdarəsi (ASKİ) işçiləri Çin səfirliyinin qarşısında qazıntı işlərinə başlamışdı. ASKİ direktor müavini Cüneyt Öztürk, Twitter hesabından məsələ ilə bağlı etdiyi paylaşımda qazıntının aparılması səbəbinə aydınlıq gətirmışdı. Paylaşımda “Su qaynaqlarımızın sürətlə azaldığı bir dönəmdə, Ankaralının hesabını ödədiyi, lakin qanunsuz yolla istifadə edilən suları müəyyən etmək məqsədilə Çin səfirliyinin önündə başlatdığımız işlərlə bağlı verdiyimiz rahatsızlığı anlayışla qarşılayan hər kəsə təşəkkür edirik” sözləri öz əksini tapmışdı.
Su kaynaklarımızın hızla azaldığı bir dönemde, Ankaralının bedelini ödediği kayıp kaçakları tespit etmek maksadıyla Çin Büyükelçiliği önünde başlattığımız çalışmadan dolayı verdiğimiz rahatsızlığı anlayışla karşılayan herkese teşekkür ederiz. pic.twitter.com/e0ptleSpU4
— Cüneyt Öztürk (@CuneytOzturk06) April 7, 2021
Məhz bu baxımdan Türkiyə mediasında son addım da Mansur Yavaşdan Çin səfirliyinə qarşı növbəti həmlə kimi dəyərləndirilib.
