Bayraqdar.info – Azərbaycan Milli Elmlər Akademiyasından verilən xəbərə görə, Hüseyn Cavidin Ev Muzeyində dahi Azərbaycan şairi və dramaturqunun ədəbi irsinin, həyat və yaradıcılıq yolunun təbliği istiqamətində hazırlanan “Vətənim” verilişinin çəkilişləri baş tutub.
AMEA-dan bildirilir ki, dahi dramaturqun həyat yoluna işıq salan bu veriliş “Mədəniyyət” kanalında yayımlanacaq.
“Bu məqsədlə muzey əməkdaşları çəkiliş qrupunu H.Cavidə aid ən müxtəlif orijinal eksponatlarla, ədibin əlyazmaları, şəxsi əşyaları və s. ilə təmin ediblər”, – deyə açıqlamada bildirilir.
Qeyd edək ki, “Vətənim” verilişinin aparıcısı AMEA Nizami Gəncəvi ad. Milli Azərbaycan Ədəbiyyatı Muzeyinin direktoru, akademik, millət vəkili Rafael Hüseynovdur.
