Bayraqdar.info – Ərdəbil həbsxanasının 1-ci bölməsində saxlanan siyasi məhbus Yusif Kariyə işgəncə verilib.
Bu barədə onun ailəsi ilə telefon əlaqəsi zamanı siyasi məhbusun kamera yoldaşları məlumat verib. Məlumata görə, Yusif Kari həbsxana məmurları tərəfindən döyülüb.
Onların dediyinə görə, həbsxana nəzarətçiləri qrup şəklində 1-ci bölmədə axtarış aparıb və məhbuslara qarşı kobudluq edib.
Buna etiraz edən Yusif Kari məmurlar tərəfindən möhkəm döyülərək ağır bədən xəsarətləri alıb.
Məmurlar onu qandallayaraq özləri ilə aparıblar.
Milli fəalın ailəsi həbsxana məsulları ilə əlaqə saxlayaraq övladlarının taleyindən xəbər tutmaq istəsələr də onlara heç bir dəqiq məlumat verilməyib.
Qeyd edək ki, bu dəqiqəyə qədər milli fəalın harada saxlandığı və sağlıq durumu ilə bağlı heç bir məlumat əldə etmək mümkün olmayıb.
C.E.
Xəbər və fotonun qaynağı: GunAz.TV
