Son yeniləmə: 7 Aprel 2021 15:34
Bayraqdar.info – Milli Televiziya və Radio Şurasının (MTRŞ) aprelin 7-də keçirilən iclasında Qarabağda regional radio kanalının açılması üçün elan olunmuş müsabiqənin nəticələri bəlli olub.
Bu haqda MTRŞ-nın yaydığı məlumatda bildirilir ki, geniş müzakirələrdən sonra digər iddiaçılarla müqayisədə müxtəlif dillərdə yayım aparmaq üçün üstün imkanlara, daha münasib maddi-texniki bazaya və peşəkar kadr potensialına malik olan Caspian International Broadcasting Company Məhdud Məsuliyyətli Cəmiyyətinin CBC FM radio kanalı müsabiqənin qalibi elan olunur.
Xatırladaq ki, 102,7 MHs işçi tezliyi üçün müsabiqə çərçivəsində 7 iddiaçı Şuraya sənədlərini təqdim etmişdi.
