Türkiyə Prezidenti Azərbaycanla hərbi işbirliyi anlaşmasını imzalayıb

Yazar: Azər Həsrət - Əməkdar jurnalist. Tarix: 6 Aprel 2021 10:53

Son yeniləmə: 6 Aprel 2021 10:55

Bayraqdar.info – Aprelin 5-də Türkiyə Cümhurbaşqanı Recep Tayyip Erdoğan “Türkiyə Cümhuriyyəti Hökuməti ilə Azərbaycan Respublikası Hökuməti arasında müdafiə sənayesi işbirliyi Anlaşması”nın qüvvəyə minməsini təsdiqləyən sənədi imzalayıb.

Bu haqda uyğun elan Türkiyənin “Resmi Gazete”sində yayımlanıb.

Əlavə edək ki, bu Anlaşmanı Azərbaycan Prezidenti İlham Əliyev 23 fevral 2018-ci ildə imzalayıb. Türkiyə tərəfinin də imzalamasıyla Anlaşma tam şəkildə qüvvəyə minmiş olur.

Xatırladaq ki, sözügedən Anlaşma 2017-ci il oktyabrın 31-də Bakı şəhərində imzalanıb: Azərbaycan Respublikası adından Müdafiə naziri Zakir Həsənov, Türkiyə Cümhuriyyəti adından o vaxtkı Milli müdafiə naziri Nureddin Canikli tərəfindən.

Əlaqəli

Bölmə: XƏBƏRLƏR

Azər Həsrət - Əməkdar jurnalist

BAYRAQDAR MEDİA-nın qurucusu və baş redaktoru, Azərbaycan Respublikasının Əməkdar jurnalisti Azər Həsrət (Həsrət Azər Hacıqulu oğlu) 03 avqust 1968-ci ildə Xaçmazın Dədəli kəndində anadan olub. Bakı Dövlət Universitetinin məzunudur. 1995-ci ildən jurnalistika ilə məşğuldur. Hazırda Azərbaycan Mətbuat Şurası İdarə Heyətinin üzvü və xarici əlaqələr komissiyasının sədridir. Eyni zamanda İctimai Televiziya və Radio Yayımları Şirkəti İctimai Yayım Şurasının üzvüdür (2017-2023). Vyanada yerləşən Beynəlxalq Mətbuat İnstitutunun üzvüdür. 1999-cu ildə Kanadada yerləşən İnsan Haqları Məktəbində təhsil alıb. Azərbaycan dili ilə yanaşı türk, ingilis və rus dillərində də yazır və danışır. Əsasən beynəlxalq münasibətlər, insan haqları, ifadə azadlığı və siyasi məsələlər üzrə ixtisaslaşıb.

Yazarın başqa yazıları: Azər Həsrət - Əməkdar jurnalist

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »