Son yeniləmə: 5 Aprel 2021 17:39
Bayraqdar.info – Bu il mayın 29-da Türkcə Yetərlilik İmtahanı (Türkçe Yeterlilik Sınavı) keçiriləcək. Bu barədə Türkiyənin Yunus Əmrə İnstitutunun Bakı nümayəndəliyindən məlumat verilib.
Məlumatda deyilir ki, Dövlət İmtahan Mərkəzi (DİM) və Yunus Əmrə İnstitutu (YƏİ) arasında 2020-ci ilin noyabr ayında qarşılıqlı anlaşma memorandumu imzalanıb. Tərəflər arasında razılaşdırılmış əməkdaşlıq sahələrindən biri də Türkcə Yetərlilik İmtahanının (TYS) keçirilməsi üçün DİM tərəfindən dəstəyin göstərilməsidir.
Beləliklə, Yunus Əmrə İnstitutunun Bakı nümayəndəliyi tərəfindən DİM-in dəstəyi ilə təşkil ediləcək TYS imtahanı üçün qeydiyyat martın 29-u başlayıb, aprelin 30-u başa çatır.
