Bayraqdar.info – Bu məlumatı Azərbaycan Respublikası Xarici İşlər Nazirliyinin Mətbuat xidməti idarəsi yayıb.
Məlumatda deyilir ki, “1 aprel 2021-ci il tarixində, MDB ölkələrinin xarici işlər nazirləri Şurasının iclasında iştirak etmək məqsədilə Moskvada işçi səfərdə olan nazir Ceyhun Bayramovun Rusiya xarici işlər naziri Sergey Lavrov ilə görüşü keçirilib.
Hər iki tərəfdən nümayəndə heyətlərinin iştirak etdiyi görüşdə ikitərəfli əməkdaşlıq münasibətləri, mövcud regional vəziyyət, üçtərəfli bəyanatların həyata keçirilməsi məsələlərinə dair ətraflı müzakirələr aparılıb”.
Tərəflər ölkələr arasındakı dialoqunun səviyyəsindən məmnunluq ifadə edib, həmçinin qarşılıqlı maraq kəsb edən beynəlxalq məsələlər ətrafında fikir mübadiləsi aparıblar.
Nazirliyin açıqlamasından bir qədər sonra Ceyhun Bayramov tvit ataraq Azərbaycanla Rusiya arasındakı dialoqun səviyyəsindən məmnunluq ifadə etdiyini bildirib.
Within the working visit to Moscow discussed the issues of bilateral cooperation, the current regional situation & the implementation of Trilateral Statements with my colleague from #Russia Sergey Lavrov.
We expressed satisfaction with the level of dialogue between 🇦🇿🇷🇺. pic.twitter.com/XUibiRLnQ8
— Jeyhun Bayramov (@bayramov_jeyhun) April 1, 2021
