Bayraqdar.info – Aprelin 1-də Azərbaycan Respublikasının Prezidenti İlham Əliyevlə Rusiya Prezidenti Vladimir Putin arasında telefon danışığı olub. Bu haqda xəbəri Azərbaycan dövlət başçısının müvafiq xidməti yayıb.
Tərəflər Qarabağdakı durumu müzakirə ediblər. Ümumi durumun sabit olması, atəşkəsə əməl edilməsi təqdirlə qeyd edilib.
Eyni zamanda 10 noyabr 2020-ci il və 11 yanvar 2021-ci il bəyanatlarından irəli gələn Güney Qafqazda nəqliyyat-kommunikasiya xətlərinin açılması ilə bağlı fikir mübadiləsi də aparılıb. Bu məsələ üçün qurulmuş üçtərəfli işçi qrupun işindən razılıq ifadə edilib.
Koronavirus pandemiyasına qarşı mübarizə də müzakirə edilən məsələlərdən olub.
Tərəflər eyni zamanda ikitərəfli münasibətlərin inkişafıyla bağlı fikir mübadiləsi aparıblar.
