Bayraqdar.info – Direktorların işə qəbulu üzrə imtahan nəticələrinin ətraflı təhlili namizədlərin şəxsi səhifələrinə göndərilib.
Azərbaycan Respublikası Təhsil Nazirliyinin yaydığı xəbərə görə, namizədlər şəxsi səhifələrinə daxil olaraq ümumi imtahan nəticəsi, Respublika və işlədiyi şəhər (rayon) üzrə imtahan iştirakçıları arasında yeri, həmçinin özləri ilə eyni imtahan nəticəsi toplamış namizədlərin sayı ilə tanış ola bilərlər. Namizədlər eyni zamanda “Test tapşırıqlarına bax” xanasına daxil olub “İmtahanlar” bölməsindən “Köhnə imtahanlar” xanasını, daha sonra “Təfsilata bax” düyməsinə basaraq onlara təqdim olunan test tapşırıqları və cavabları ilə tanış ola bilərlər.
Qeyd edək ki, test imtahanı zamanı toplanılan bal yalnız müsahibә mәrhәlәsindә iştirak üçün keçәrlidir. Müsahibə mərhələsi üçün keçid balı namizәdlәrin imtahanda göstәrdiyi nәticәlәr vә vakansiyaların sayı nәzәrә alınmaqla müәyyәn ediləcək və şəxsi səhifələrə bu barədə məlumat göndəriləcək.
