Bayraqdar.info – “Ermənistanın Azərbaycanın işğaldan azad edilmiş torpaqlarında kütləvi şəkildə döşədiyi minalar fərqinə varmadan mülki şəxsləri öldürür, şikəst edir və iqtisadiyyata/ətraf mühitə zərər verir. Ermənistan minalarla kirlənmiş torpaqların izahlı xəritələrini verməkdən imtina edir. Ermənistanın məsuliyyətsiz davranışı ciddi şəkildə qınanmalıdır.”
Bu sözlər Azərbaycan Prezidentinin Xarici əlaqələr üzrə köməkçisi, Prezident Administrasiyasının eyni adlı şöbəsinin müdiri Hikmət Hacıyevə aiddir. O, bu fikirləri özünün Twitter hesabında yazıb.
Qeyd edək ki, Hikmət Hacıyev 44 günlük Vətən savaşı günlərində Azərbaycanın haqq səsinin dünyaya çatdırılmasında yorulmadan çalışmaqla Prezidentə ən ciddi dəstək vermiş şəxslərin önündə gedir. O, hazırda da Ermənistanın işğalının nəticələrinin aradan qaldırılması, işğaldan azad edilmiş torpaqlardakı durumun dünyaya çatdırılması üçün ictimai məlumatlandırma işinin təşkilində fəallığıyla seçilir. Prezidentin tapşırığıyla xarici diplomatların, eləcə də media və QHT təmsilçilərinin işğaldan azad edilmiş torpaqlara səfərlərinin təşkili və həyata keçirilməsi məhz ona həvalə edilib.
